Բետոնային աշխատանքներ

Հատակի բետոնավորումը (ստյաժկան) շինարարության կարևոր և անհրաժեշտ աշխատանքներից է: Եթե նույնիսկ սեփականատերերը որոշում են ինքնուրույն զբաղվել շինարարությամբ, ապա այս աշխատանքը վստահում են միայն արհեստավարժ վարպետներին: Բացի բարդությունից և կարևորությունից, ստյաժկան բավականաչափ ծանր աշխատատար գործընթաց է:

Եթե Ձեզ հետաքրքրում է, թե ինչպիս է ընթանում այս աշխատանքը ընդհանուր առմամբ, կարդացեք այս հոդվածը: Այլապես ուղղակի պատվիրեք այն մեր կազմակերպությանը:

Հատակի բետոնը (ստյաժկան) կատարում է բազմաթիվ կարևորագույն ֆունկցիաներ՝

• Մակերեսի հարթեցում,
• Հիմքի ամրացում,
• Անհրաժեշտ թեքության ձևավորում,
• Ձայնա- և թերմոմեկուսացում,
• Կոմունիկացիաների թաքցնում (օրինակ «տաք» հատակի):

Ստյաժկայի բետոնի ավանդական բաղադրիչներ նյութերն են ավազը և ցեմենտը: Բայց վերջին տարիներին ավելի ու ավելի մեծ տարածում են ստանում արտադրական նշանակության չոր խառնուրդները: Սրանք ևս ավազի և ցեմենտի խառնուրդ են, բայց պլաստիֆիկատորների ավելացմամբ: Վերջիններս խառնուրդին տալիս են էլաստիկություն:

Բետոնային աշխատանքներ՝ մեր աշխատաքների լուսանկարներից

Ներկայումս հատակի ստյաժկան կատարվում է երեք եղանակներով՝ թաց, չոր և կիսաչոր: Հայաստանում օգտագործում են հիմնականում ավանդական թաց տարբերակը: Չոր մեթոդից մեզ մոտ չեն օգտվում, որովհոտև այն քիչ արդյունավետ է խոնավության դեմ: Ավանդական թաց մեթոդն էլ ունի իր մինուսները՝ ուշ է չորանում, ճաքեր է տալիս, դժվար է հարթեցվում:

Այս առումով լավագույնն է համարվում կիսաչոր տարբերակը, եթե իհարկե ունեք նման հնարավորություն: Վերջինիս դեպքում անհրաժեշտ են հատուկ հավելումներ ավազի և ցեմենտի խառնուրդին (պլաստիկիֆատոր, ֆիբրովոլոկնո և այլն) ու հատուկ մեքենաներ, խառնուրդը պատրաստելու և տեղափոխելու համար: Այդ հավելումների հաշվին բետոնը ստացվում է ավելի թեթև, ճկուն և արագ է չորանում:

Լավ մեթոդ է, արդյունավետ, բայց մեզ մոտ տարածում չունի, ինքնարժեքը բարձր է, պահանջները՝ շատ: Այդ պատճառներով էլ մեզ հիմնականում պատվիրում են ավանդական թաց եղանակով բետոնավորում: