Սալիկապատում (կերամիկական)՝ կաֆել, մետլախ:
Շինարարական կազմակերպություն ASStroy.org: Սալիկապատում՝ կաֆել(кафель), մետլախ:
Խոհանոցի և բաղնիքի պատերի համար նախընտրում են սալիկներ ոչ միայն վերջիններիս պրակտիկության, այլև գեղեցիկ տեսքի համար: Օգտագօրծելով գունային տարբեր երանգներ խոհանոցին կամ լոգարանին կարելի է տալ հատուկ շքեղություն: Այս էջում մենք համառոտ կնկարագրենք խոհանոցի և լոգարանի սալիկապատման աշխատանքի ընթացքը, եթե դա Ձեզ հետաքրքրում է: Իսկ եթե ցանկանում եք սեղմ ժամկետներում ունենալ գեղեցիկ և արհեստավարժ շարված սալիկներ Ձեր խոհանոցում, լոգարանում կամ միջանցքում, դիմեք մեզ:
Մետլախով շարված հատակը կամ կաֆելով ծածկված պատերը շատ պրակտիկ են և չեն պահանջում հաճախակի վերանորոգում: Մեկ անգամ որակով արված սալիկը կարող է ծառայել տասնյակ տարիներ:
Աշխատանք նախապատրաստություններ՝ հատակի բետոն:
Եվս մի քանի օրինակներ՝ Սալիկապատում: Սալիկապատման աշխատանքներ:
Կաֆելը (սալիկը) կամ մետլախը տեղադրելուց առաջ նախապես պետք է ստուգել, իսկ անհրաժեշտության դեպքում նախապատրաստել հիմքը: Այն մակերեսը, որը անհրաժեշտ է սալիկապատել, պետք է լինի մաքուր, չոր, հարթ և բավականաչափ ամուր:
Եթե անհրաժեշտություն լինի, ապա մակերևույթը պետք է ամբողջությամբ սվաղել (կամ բետոնել, եթե հատակ է): Եթե անհարթությունները աննշան են, կարելի հարթեցնել հենց սալիկի սոսնձով: Նախապատրաստած մակերեսը անհրաժեշտ է գրունտավորել մեծ վրձնով կամ ներկարարի ռոլիկով: Եթե տարածքը անչափ խոնավ է, ապա լավ կլինի ձեռնարկել հավելյալ միջոցներ:
Նախապատրաստած մակերեսը անհրաժեշտ է գրունտավորել մեծ վրձնով կամ ներկարարի ռոլիկով
Բետոնը գրունտավորած է և պատրաստ շարի համար
Ե՛վ պատի սալիկը (կաֆելը) և՛ մետլախը կտրվում են հատուկ գործիքներով, շատ խնամքով և առանց եզրերը վնասելու:
Սովորոբար սալիկը սկսում ենք շարել սենյակի կենտրոնից: Գտնում ենք կենտրոնը, երկու կողմերից տեղադրում առաջին սալիկները: Կտրվելիք կտորները մնում են անկյուններում: Այդպես ստացվում է համաչափ և գեղեցիկ: Բայց դա կախված է նաև ատվիրատուի ընտրությունից: Շատերը ախընտրում են կտորները տեսնել մուտքի մոտ, և ոչ թե դիմացի պատի տակ (ինչպես ներկայացվող օրինակում):
Ինչպես ցանկացած շինարարական խառնուրդ, խորհուրդ է տրվում սալիկի սոսինձը խառնել մի քանի անգամ, ընդմիջումներով, որպիսի խառնուրդը դառնա համասեռ զանգված: Սա հատկապես կարևոր է այն դեպքում, եթե ձեռքի տակ չկա միքսեռ (պերֆորատոր կամ դռել հատուկ խառնիչով): Կախված վարպետության աստիճանից և սոսնձի պնդությունից, խորհուրդ է տրվում մեկ անգամից սոսինձը քսել ամենաշատը 1-1,5 քառ. մետր մակերեսով:
Պատի սալիկը կարելի է կպցնել համարյա ցանկացած մակերևույթի վրա՝ գիպսակարտոն, սվաղ, գիպսային ծեփ: Նույնիսկ սալիկը հին սալիկի վրա (թեև այս դեպքից խուսափում են, ավելորդ տեղը տարածք չկորցնելու համար):
Սալիկը շարում ենք սիմմետրիկ՝ կամ սալիկի կարն է հայտնվում մեջտեղում, կամ սալիկի կենտրոնը: Որոշ դեպքերում սկսում ենք ոչ թե սենյակի կենտրոնից, այլ գլխավոր դռան: Որոշում ենք նաև ըստ ճաշակի կամ պատվիրատուի նախընտրւթյամբ: Սոսինձը մակերևույթին քսում ենք հատուկ ատամնավոր շպակլիով: Առաջին շարքը շարել սովորաբար սկսում ենք կենտրոնից դեպի անկյունները: Հետագա շարքերի համար դա էական չէ:
Արտաքին անկյունները պարտադիր սկսում ենք դրսից դեպի ներքին անկյուն: Որոշ տեսակի սալիկներ ունենում են իրենց համապատասխան «բորդյուրները»: Դրանք տեղադրվում են կամ շարքերի մեջ, կամ վերջին շարքի վերևում: Շատ շքեղ տեսք է ստացվում:
Հաշվի առեք, որ սովորական շարի դեպքում «ջարդը» կազմում է ամենաքիչը ընդհանուր մակերեսի 10%-ը (նկատի չունենք անորոկ սալիկի դեպքում չնախատեսված ջարդված կտորները, այլ նախատեսված ավելցուկ կտորները անկյուններից): Իսկ եթե պատվիրելու եք «ռոմբ» շարվածք (անկյունագծով), ապա ջարդը կկազմի 30%:
Շարելուց և լավ ամրանալուց հետո մաքրում ենք պատերը կամ հատակը ավելորդ սոսնձից: Կարերը պարտադիր մաքրեք սոսնձից, որքան հնարավոր է խորը: Սալիկի կարերը լցնում ենք հատուկ նյութով (զատիրկա — затирка): Երբեմն, եթե սալիկը համապատասխան գույնի է, կարող ենք օգտագործել սև կամ սպիտակ ցեմենտ կամ էլ գետի լավ մաղած սև ավազ ցեմենտով (խոշոր կարերի դեպքում): Կարերը լցնելուց մի քանի ժամ հետո կարող եք սկսել մաքրել ավելորդ ցեմենտը: Ստիպված կլինեք կրկնել դա մի քանի անգամ, մինչև որ հասնեք կատարելության: Պատասխանատւ եղեք այս աշխատանքի նկատմամբ՝ վատ մաքրված կարերը կարող են փչացնել ողջ աշխատանքը, և ընդհակառակը՝ խնամքով մաքրված կարերը կարող են շտկել Ձեր աշխատանքի որոշ թերացումներ:
Մեր կատարծ աշխատանքներից ներկա պահին միայն մեկից ենք պահպանել որոշ լուսանկարներ: Խոստանում ենք կայքի զարգացանը զուգնթաց ավելացնել նոր օրիկնակների քանակը:
